هند د کرکټ ملي لوبډلې پرون (دوشنبې) په اسیا کپ سیالیو کې پاکستان ته په خورا لوی توپیر مانه ورکړه.
د دوو ټیمونو لوبه چې د یکشنبې په ورځ د باران له کبله وځنډېده. پرون (دوشنبې) د هند لوبډلې په داسې حال کې چې یوازې ۲ لوبغاړي یې سوځېدلي وو، ۳۵۶ منډې وکړې. د هند له لوري د دې ستر هدف په ټاکل وکې د ویرات کهولي او کې ایل راهول سیلزو لوی رول درلود.
له پیله څرګنده وه چې پاکستان دا لوی هدف نه شی بوره کولی.
د پاکستان ټول لوبغاړي په داسې حال کې چې یوازې یې ۱۲۸ منډې کړې وې، وسوځېدل. او په دې توګه هند دا سیالي په ۲۲۸ منډو وګټله.
هند د اتلولۍ لپاره باید سریلانکا او بنګله دېش ته هم ماتې ورکړي خو پاکستان له وړاندې بنګله دېش مات کړی او پایلوبې ته د وتلو لپاره باید یوازې له سریلانکا مسابقه وګټي.
URL تعقيب: https://www.ansarpress.com/pashto/26937
قرأ
د کرکټ ستوری راشدخان د نړۍ مشرانو ته! زما هېواد له ناورین سره مخ دی، یوازې مو مه پرېږدۍ